Душанбе: Бархӯрди “Мерседес” ба симчӯб ду кушта барҷой гузошт
Шоми 20-уми ноябр дар шаҳри Душанбе дар пайи бархӯрди “Мерседес” бо симчӯб ду ҷавони 18 ва 19-сола ба ҳалокат расиданд.
Тавре аз Вазорати умури дохилии Тоҷикистон ба “Озодагон” иттилоъ доданд, ҳодиса тахминан соати 18:15-дақиқа ҳангоми ҳаракат дар кӯчаи Неъмат Қарабоеви шаҳри Душанбе рух додааст.
Дар мавриди сабаби садама ВКД афзуд, ки ронандаи 22-сола, сокини ноҳияи Рӯдакӣ аз уҳдаи идораи воситаи нақлиёт набаромада, ба симчӯби барқӣ бархӯрдааст.