Амир Қароқулов ҳам бидуни рақиб райис интихоб шуд

Райиси Ҳизби аграрии Тоҷикистон Амир Қароқулов дубора ба ҳайси сарвари ин ташкилоти сиёсӣ интихоб шуд.

---

Вакилони Анҷумани  4-уми ҲАТ ӯро барои боз панҷ соли дигар ба раҳбарии ин ҳизб баргузиданд. Тибқи иттилои расида, дар анҷумани ин ҳизб, ки рӯзи 25-уми ноябр сурат пазируфт, Рустам Латипов, вакили МН, муовини аввали раиси ҳизб интихоб шудааст.

Маврид ба ёдоварист, ҲАТ аз ҷумлаи он аҳзоби сиёсии кишвар аст, ки дар парлумони кишвар ду намоянда дорад. Бино ба қавли масъулини ин ҳизб, шумори зиёди тарафдорони онҳо аз ҷумлаи деҳқонон, камбизоатон, омӯзгорони кишвар аст. Феълан,    онҳо шумораи аъзои худро 29.780 нафар арзёбӣ мекунанд, ин дар ҳолест, ки як сол қабл теъдоди аъзоёни ҲАТ ҳамагӣ 15.000 нафар буд.

Интихоби Амир Қароқулов ба симмати райиси ҲАТ мисли дигар аҳзоби сиёсӣ бидуни рақиб сурат гирифтааст.