Заминҷунбӣ дар Узбакистон Тоҷикистонро низ такон дод
Пажуҳишгоҳҳои зилзилашиносии ҷаҳон мегӯянд, маркази заминҷунбӣ, ки соати 16:50-и имрӯз, 8-уми август Тоҷикистонро низ такон дод, дар қаламрави Узбакистон будааст.
Тибқи гузориши зилзилашиносҳои ҷаҳонӣ маркази заминларза дар ҷанубу шарқии Узбакистон буда, иқтидори он дар марказ 4,7 балро ташкил додаст. Ин заминларза, ки дар умқи 10 километр рух додааст, дар Тоҷикистон, аз ҷумла шаҳри Душанбе низ эҳсос шуд.