ВКД: Ҳалокати як корманди нуқтаи газтаъминкунӣ дар Конибодом
Сониҳаи нақлиётӣ дар шоҳроҳи Конибодом-Хуҷанд-Деҳмой, дар километри 11-уми ҳудуди деҳаи Шурқурғон мунҷар ба марги як нафар гардид.
Тавре ба «Озодагон» аз ВКД хабар доданд, рӯзи гузашта соати 18:10, ронандаи автомашинаи тамғаи «ВАЗ-2106» таҳти идораи Шерзод Икромови 24 сола, сокини ҷамоати Пулодон, ҳангоми ҳаракат дар шоҳроҳи Конибодом-Хуҷанд-Деҳмой, дар километри 11-уми ҳудуди деҳаи Шурқурғони ҷамоати Ортиқов бехатарии ҳаракати роҳро таъмин карда натавониста, пиёдагард Валиев Каримхони 37 сола, зодаи шаҳри Кӯлоб, муваққатан истиқоматкунанлаи шаҳри Конибодом, кӯчаи С.Айнӣ, коргари нуқтаи газтаъминкунии компрессори «Нур-Конибодом»-ро пахш намудааст. Дар натиҷа, Валиев К. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.