Дар Челябинск собиқадори ҷанг дар Тоҷикистонро паррондаанд
Алексей Бахарев, собиқадори ҷанг дар Тоҷикистонро назди манзили зисташ дар Челябинск паррондаанд.
Бино ба иттилои расонаҳо ин ҳодиса шоми дирӯз, 2 август, дар Рӯзи неруҳои ҳавоӣ-десантии Русия (ВДВ) ба вуқӯъ пайвастааст. Life.ru аз қавли Александр Скорик, як масъули Раёсати тафтишотии Русия дар вилояти Челябинск хабар додааст, ки “ба назди ӯ як нафари ношинос омада, тарафаш тир холӣ кардааст”.
Дар робита ба куштори ин афсари 43-сола парвандаи ҷиноӣ боз шуда, ҷустуҷӯи қотил идома дорад.