Русия, Эрон ва Озарбойҷон рақибони тими миллии наврасони Тоҷикистонанд
Рақибони тими наврасони Тоҷикистон оид ба футбол дар мусобиқаи байналмилалии Ҷоми президенти Қазоқистон маълум шуданд.
Аз Федератсияи футболи Тоҷикистон ба “Озодагон” хабар доданд, ки дар пайи қуръакашӣ яккачини наврасони кишвар шомили гуруҳи “В” шуда, бо Русия (8 август), Озарбойҷон (9 август) ва Эрон (11 август) қувва меозмоянд.
Дар гуруҳи “А” тими миллии наврасони Албания, Қазоқистон, Қирғизистон ва дастаи “Крузейро”-и Қазоқистон бозӣ хоҳанд кард.
Барандаи Ҷоми президенти Қазоқистон 7 ҳазор доллар мегирад. Ғолибони мақомҳои ду ва се мутаносибан 5 ва 3 ҳазор долларӣ хоҳанд гирифт.