ВКХ: Тоҷикон дар задухӯрдҳои Туркия зарар надидаанд
Дар пайи задухӯрд ва қасди табаддулоти низомӣ дар Туркия Вазорати корҳои хориҷии Тоҷикистон ба намояндагиҳои худ дастур додааст, дар таъмини амнияти шаҳрвандони Тоҷикистон, ки дар он кишварзиндагӣ доранд, чораандешӣ кунанд.
Ин ниҳод имрӯз, 16 июл бо нашри як иттилоия гуфтааст, "бинобар сабаби ҳодисаҳои охир дар Туркия, хусусан пойтахти он - шаҳри Анқара ба Сафорати Тоҷикистон дар Туркия ва Консулгарии генералии кишвар дар шаҳри Истанбул супориш дода шуд, то ба мақсади таъмини амнияти шаҳрвандони Тоҷикистон, ки дар ин кишвар иқомат доранд, чораҳои зарурӣ андешад".
Манбаъ мегӯяд, бар асоси иттилои расида, дар задухӯрди шаби гузашта дар Туркия ҳеч шаҳрванди Тоҷикистон зарар надидааст. ВКХ аз ҳама шаҳрвандони Тоҷикистон, ки дар минтақаҳои мухталифи Туркия қарор доранд, даъват кардааст, аз эҳтиёт кор гирифта, "аз ҷойҳои таҷаммӯи одамон дурӣ ҷӯянд".
Вазорати умури хориҷии кишвар бо нашри суроға ва телефони намояндагиҳои Ҷумҳурии Тоҷикистон дар Туркия аз шаҳрвандони кишвар хостааст, дар ҳолати зарурӣ ба онҳо тамос бигиранд:
Сафорати Ҷумҳурии Тоҷикистон дар Ҷумҳурии Туркия
Суроға: Кӯчаи Ферит Реҷаи Ертуғрул рақами 20, шаҳраки дипломатӣ, Оран, Анкара, Туркия
Тел: +(90 312) 491 16 07, 491 17 08
Факс: +(90-312) 491 16 03
E-mail: tajemb_turkey@yahoo.com
Сомона: www.tajikembassytr.org
Консулгарии генералии Ҷумҳурии Тоҷикистон дар шаҳри Стамбул
Суроға: Halkalı Cd. No:14, Yeşilköy Mh., Bakırköy-İstanbul
Тел: +90 212 426 50 52, +90 212 426 50 54
Факс: +90 2124265056
E-mail: tajcons.ist@gmail.com
Сомона: www.tajconsist.org