Хурдтарин имоми сайёра духтури қалб шудан мехоҳад (ВИДЕО)
Як сокини 7-солаи Урдун хурдтарин имом дар ҷаҳон шинохта шудааст.
Бино ба иттилои расонаҳои исломӣ, Исо Шарифи ҳафтсола рӯзҳои ҷумъа дар масҷид мавъиза мекунад ва хутбаи намози ҷумъаи ӯ миёни сокинони маҳаллӣ аз маъруфияти зиёд бархӯрдор аст. Шабакаи телевизионии Баҳрайн дар як гузориш мегӯяд, "ин кӯдак барои мавъиза дар масҷиди маҳалли худ ва дигар масоҷиди шаҳр муҷавизи расмӣ дорад".
Падари Исо гуфтааст, шурӯъ аз оғози моҳи Рамазон ӯ тамоми намозҳои ҷомеъро имоматӣ карда, рӯзҳои ҷумъа мавъиза мехонад. Худи Исо Шариф дар ин гузориш мегӯяд, мехоҳад дар оянда табиби қалб шавад.
ГУЗОРИШИ ТЕЛЕВИЗИОНӢ ДАР БОРАИ ИСО ШАРИФ