Қасди ҷавони маст барои қатли ҳамсоя дар Рамазон
Вазорати умури дохилии Тоҷикистон аз боздошти марди 25- сола, сокини ноҳияи Бохтар хабар дод, ки дар суиқасд ба куштор муттаҳам мешавад.
Тибқи иттилои ин ниҳод, гумонбаршуда 22 июн, тахминан соати 22:00 дар ҳолати мастӣ дар пайи як муноқиша қасди ҷони ҳамсояи 27-солааш кардааст: “Дар пайи муноқиша ҷавони масти 25-сола бо корд 6 бор ба бадани ҳамсояаш зарба задааст”.
ВКД мегӯяд, ҷабрдида дар беморхона бистарӣ буда, тафтиши парванда алайҳи муттаҳам идома дорад.