Зилзилаи 5,4 баллӣ Тоҷикистонро такон дод
Марказҳои зилзилашиносии ҷаҳон иқтидори заминҷунбии соати 16:35-и имрӯзро, ки Тоҷикистонро низ такон дод, дар маркази он 5,4 балл мегӯянд.
Тибқи иттилои онҳо, маркази заминларза дар қаламрави Афғонистон будааст.
Дар ҳамин ҳол, маркази зилзиласанҷии Тоҷикистон шиддати заминҷунбии имрӯзаро дар Душанбе 2-3 балл гуфт. Аз ин ниҳод ба “Озодагон” иттилоъ доданд, ки маркази заминҷунбӣ 275-километрии ҷанубу шарқи Душанбе – дар Афғонистон буда, иқтидори он дар марказ 4 балл будааст.