ВМКБ: Бунёди Оқохон макотибро ба заминларза тобовар мекунад
Бунёди Оқохон бо харҷи 1 миллиону 456 хазор сомонӣ бинои мактабҳо дар деҳаҳои Шикуши ноҳияи Роштқалъа ва Ёмҷи ноҳияи Шуғнонро бозсозӣ мекунад.
Ба гуфтаи масъулини Бунёди Оқохон ин лоиҳа бо кумаки молии Бонки рушди Олмон роҳандозӣ шуда, то оғози соли нави таҳсил амалӣ мегардад.
Ҳадафи аслии он мустаҳкам ва ба заминларза тобовар кардани бинои мактабҳои зикршуда гуфта шудааст. Ба гуфтаи масъулини Бунёди Оқохон мактабҳои мазкур зиёда аз 40 сол қабл бунёд шуда, 20 сол ба ин сӯ ба гунаи лозим таъмир нашудаанд. Дар маҷмӯъ дар ҳар ду мактаб 213 хонанда таҳсил ва 36 омӯзгор кор мекунанд.
Масъулини Бунёди Оқохон мегӯянд бозсозии мактабҳо дар баробари муқовимат ба офатҳои табиӣ инчунин барои беҳбудии кайфияти таълими донишомӯзони мусоидат мекунад.