Заминларзаи 4-5 баллӣ Тоҷикистонро ҳам такон дод
Маркази зилзиласанҷии Тоҷикистон шиддати заминҷунбии шаби гузаштаро 4 балл гуфт.
Аз ин ниҳод имрӯз, 25 апрел ба “Озодагон” иттилоъ доданд, заминларза соати 2:43-и шаб ба вуқӯъ пайваста, маркази он 274-километрии ҷанубу шарқи Душанбе -- Афғонистон будааст: “Иқтидори заминҷунбӣ дар марказ 4 ва дар Душанбе 2 баллро ташкил дод”.
Ин дар ҳолест, ки марказҳои зилзилашиносии ҷаҳон иқтидори заминларзаи шаби гузаштаро дар маркази он 5 балл мегӯянд.