Бар асари тарма ду нафар ҳалок шуда, 400 гӯсфанд зери барф монд

Бар асари фаромадани тарма дар ноҳияи Ғончӣ ду сокини Мастчоҳи Кӯҳӣ ба ҳалокат расида, 400  сар гусфанди дигар зери тарма мондааст.

---

Тавре аз дафтари матбуотии кумитаи ҳолатҳои фавқулодда ба хабаргузории «Озодагон» иттилоъ доданд, рӯзи 5-уми ноябри соли равон тахминан соати 17:00 дар ағбаи «Оббурдон»-и наздикии деҳаи «Угук»-и ноҳияи Ғончӣ фаромадани тарма ба амал омадааст. Дар натиҷа, Исмоил Назирови 48- сола, истиқоматкунандаи деҳаи «Резгирф»-и ҷамоати деҳоти «Иван -Тоҷик» ва Мирзошариф Давлатови 46-сола, истиқоматкунандаи деҳаи «Даштак»-и ҷамоати деҳоти «Иван Тоҷик»-и ноҳияи кӯҳистони Мастчоҳ ба ҳалокат мерасанд. Манбаъ афзуд, ки ҳамчунин 400 сар гусфанди дигар зери тарма монда ҳалок шудаанд.{jathumbnail off}