Тоҷикистон-Қирғизистон: Меҳмонҳо гол заданд
Тими миллии Тоҷикистон бозии даври ниҳойии марҳилаи дувуми сабқати интихобии Ҷоми ҷаҳон-2018-ро ҳам бохт.
Дар ин дидор, ки имрӯз, 29 март дар Варзишгоҳи марказии шаҳри Душанбе баргузор шуд, футболбозони Қирғизистон бо задани як тӯб дар дақиқи 17-уми бозӣ барранда шуданд.
Тимҳои миллии Тоҷикистону Қирғизистон аз ин пеш дар чорчуби сабқатҳои мухталиф ва бозиҳои дӯстона 11 маротиба бо ҳам рақобат кардаанд. Дар 7 дидор яккачини Тоҷикистон дастболо шуда, ду бозиро футболбозони қирғиз ба нафъи худ анҷом додаанд. Ду бозии дигар мусовӣ анҷом ёфтааст.