Сӯхтори нуқтаи фурӯши сӯзишворӣ дар Ваҳдат
Дар шаҳри Ваҳдат як нуқтаи фурӯши сӯзишворӣ оташ гирифтааст.
Шоҳидони воқеа мегӯянд, ин ҳодиса ҳангоми пур кардани сӯзишворӣ дар балони газ дар Нуқтаи фурӯши сӯзишвории №22 рух додааст. Як шоҳиди воқеа ба “Озодагон” гуфт, “вақте балони газро пур мекунанд, газ оташ мегирад. Як сабукрави “Опел-Караван”, ки онҷо буд, оташ гирифтааст”.
Ба иттилои манбаи “Озодагон”, ба эҳтимоли зиёд балони газ аз соҳиби мошини оташгирифта будааст. Як корманди пулис гуфт, ин ҳодиса талафоти ҷонӣ дар пай надоштааст. Ҳоло се мошини сӯхторнишонӣ ба хомӯш кардани оташ машғуланд.