Заминларза Тоҷикистонро такон дод
Марказҳои зилзилашиносии ҷаҳон имрӯз, 24 март соати 13:37 дар Тоҷикистон заминларзаи 4,5-4,9 балиро сабт кардаанд.
Тибқи иттилои пойгоҳҳои зилзиласанҷии ҷаҳонӣ маркази заминларза дар 175 километрии шарқи шаҳри Душанбе дар 33 километрии Ғарм қарор дошт. Марказҳои зилзиласанҷӣ иқтидори заминларзаро дар марказ аз 4,5 то 4,9 бал нишон додаанд. Феълан дар бораи хисороти заминларза иттилое ироа нашудааст.