Тоҷикистон мавқеашро ин моҳ ду зина аз даст дод
Тими миллии Тоҷикистон дар рейтинги тозаи ФИФА (Федератсияи байналмилалии футбол) дар мақоми 150 нишастааст.
Дар ин раддабандӣ, ки имрӯз, 3 март нашр шуд, мунтахаби Тоҷикистон бо 193 имтиёз мавқеашро нисбат ба моҳи қабл ду зина аз даст додааст. Аммо миёни 46 дастаи Конфедератсияи футболи Осиё ҳанӯз мақоми 26-ро муаррифӣ мекунад.
Дар раддабандии нав мунтахаби Белгия бо 1506 имтиёз садрнишин аст. Аргентина бо 1457 имтиёз дар ҷойи ду ва Испания бо 1374 имтиёз дар ҷойи сеюманд.