Холов барои қатли ронандаҳои таксӣ дар Русия 19 сол гирифт
Як шаҳрванди 24-солаи Тоҷикистон дар Русия барои 19 сол аз озодӣ маҳрум шудааст. Фурқат Холовро дар куштори ду ронандаи таксӣ муҷрим шинохтаанд.
Додситонии Русия мегӯяд, ҳамроҳ бо Холов як шаҳрванди 30-солаи Узбакистон -- Санатҷон Хайруллоев ҳам 19 сол равонаи зиндон шудааст.
Ба иттилои манбаъ, тафтишот муайян кардааст, ки Холову Хайруллоев аз моҳи декабри 2014 то январи 2015 бо қасди дуздии мошин ду ронандаи таксиро куштаанд. Ин ду нафар муҳлати ҷазоро дар колонияи низомаш пурзӯр пушти сар хоҳанд кард.