Бунёдгузори Фейсбук бори аввал шомили 10-гонаи сарватмандтарин одамони сайёра шуд
Forbes рейтинги тозаи худ дар бораи доротарин одамони сайёраи заминро нашр кард.
Мисли се соли пеш дар садри ин рӯйхат Билл Гейтс қарор дорад. Маҷалла дороиҳои ӯро дар соли 2016 -- 75 миллиард доллар арзёбӣ кардааст. Таҳиягарони раддабандӣ гуфтаанд, дар соли 2015 дар пайи буҳрон Гейтс 4,2 миллиард долларашро аз даст дод.
Мақоми дуюми рейтинг насиби бунёдгузори Zara -- Амансио Ортега шудааст. Сарвати вайро $67 миллиард доллар ҳисоб кардаанд. Бори аввал бунёдгузори Facebook -- Марк Сукерберг ($44,6 млрд, ҷои 6) ва бунёдгузори Amazon -- Ҷефф Безос ($45,2 млрд, ҷои 5) шомили даҳгонаи аввали миллиардерҳо шудаанд.