Рақобати бидуни голи “Истиқлол”-у “Ал-Файсал” дар Душанбе
Нахустин дидори тими “Истиқлол”-и Душанбе, қаҳрамони чаҳоркаратаи Тоҷикистон бо дастаи “Ал-Файсал”-и Урдун мусовӣ шуд.
Дар ин қувваозмоӣ, ки имрӯз, 23 феврал дар доираи рақобатҳои Ҷоми КФО-2016 дар варзишгоҳи марказии шаҳри Душанбе баргузор шуд, ҳеч тиме ба задани гол муваффақ нашуд.
Дастаи “Истиқлол”-и Душанбе дар марҳилаи гуруҳии Ҷоми КФО-2016 шомили гуруҳи “В” буда, ба ҷуз “Ал-Файсал” “Нафит Ал-Васат”-и Ироқ ва “Триполи”-и Лубнон ҳам ҳарифонаш ҳастанд. 8 март “Истиқлол” дар меҳмонӣ бо “Триполи” қувва меозмояд.