Ҷоми Иттиҳод-2016: Шикасти дуюми мунтахаби ҷавонони Тоҷикистон
Тими мунтахаби ҷавонони Тоҷикистон оид ба футбол (U-22) дар дуюмин дидораш дар мусобиқоти Ҷоми Иттиҳод-2016 низ бо нокомӣ дучор шуд.
Дар қувваозмоӣ бо ҷавонони Эстония, ки шоми дирӯз, 19 январ дар шаҳри Санкт-Петербург баргузор шуд, футболбозони тоҷик бо ҳисоби 1:4 шикаст хӯрданд. Голи ягонаи мунтахаби ҷавонони Тоҷикистонро Парвизҷон Умарбоев ба ҳадаф расонид. Чор голи ҷониби Эстонияро Салисте, Ярва, Миллер ва Каубер заданд.
Мунтахаби ҷавонони Тоҷикистон дар бозии аввалаш аз дастаи Русия бо ҳисоби 1:2 мағлуб гардид.