Омӯзгори 67-сола дар қатли келинаш муттаҳам мешавад
Вазорати умури дохилии Тоҷикистон аз боздошти омӯзгори 67-солаи литсейи касбӣ-техникӣ дар вилояти Суғд хабар дод, ки дар қатли келини 32-солааш муттаҳам мешавад.
Ба иттилои манбаъ сокини 67-солаи ноҳияи Бобоҷон Ғафуров шаби 13 январ тахминан соати 20:45-дақиқа дар ҳавлии истиқоматиаш дар пайи муноқиша келинашро якчанд маротиба бо корд задаст: “Аз зарби корд ҷавонзан ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст”.
Вазорат мегӯяд, феълан аз рӯи ин ҳодиса парвандаи ҷиноӣ оғоз гардида, тафтишот идома дорад.