Рақобати “Истиқлол” бо ду тими Узбакистон дар Тошканд
Дастаи “Истиқлол”-и Душанбе, қаҳрамони чаҳоркаратаи футболи Тоҷикистон бо ду тими Узбакистон бозии санҷишӣ анҷом хоҳад дод. Дар ин бора торнамоии расмии ин бошгоҳ хабар додааст.
Ба иттилои манбаъ, рӯзи 19 январ “Истиқлол” бо дастаи “Алмалик” ва 22 январ бо “Нефтчи”-и Узбакистон қувва меозмояд. Манбаъ мегӯяд, ин ду бозӣ дар варзишгоҳи Академияи футболи “Бунёдкор”, дар шаҳри Тошканди Узбакистон баргузор мешавад.
“Истиқлол” қабл аз сафар ба Тошканд 12 ва 15 январ бо дастаи “Хуҷанд”-и Хуҷанд ду бозии санҷишӣ доир мекунад.