Шикасти “Истиқлол” аз футболбозони то 22-сола
Мунтахаби ҷавонони Тоҷикистон оид ба футбол (U-22) дар як бозии санҷишӣ дастаи “Истиқлол”-и Душанбе, қаҳрамони чаҳоркаратаи Тоҷикистонро шикаст дод.
Торнамои расмии бошгоҳи “Истиқлол” мегӯяд, ин дидор дар чорчуби омодагии тими мунтахаби ҷавонони футболи Тоҷикистон ба мусобиқоти Ҷоми Иттиҳод-2016 анҷом гирифт. Футболбозони то 22-солаи тоҷик ба дарвозаи “Истиқлол” ду гол зада, танҳо як тӯб сар додаанд.
Мунтахаби ҷавонони Тоҷикистон оид ба футбол (U-22) дар мусобиқоти Ҷоми Иттиҳод-2016 рӯзи 17 январ бо тими ҷавонони Русия қувва меозмояд. Онҳо 19 январ бо мунтахаби Эстония ва 21 январ бо дастаи Латвия вориди рақобат хоҳанд шуд.