Арчаи солинавии Душанбе 25 метр баландӣ хоҳад дошт
Арчаи солинавӣ дар маркази Душанбе то 30 декабр омода мешавад. Дар ин бора дар ҷаласаи кории шаҳрдорӣ таъкид гардида, гуфта шудааст, он 25 метр баландӣ дошта, “бо беҳтарин унсурҳои муосири светодиодӣ ороста мешавад”.
Шавкат Саидов, сухангӯи шаҳрдори Душанбе ба “Озодагон” гуфт, “шоми 31 декабр аз соати 18 то 20 дар майдони “Дӯстӣ” шоу-барномаи консертии солинавӣ бо иштироки ситораҳои эстрадаи тоҷик созмон ёфта, чун анъана дар фарҷоми он фазои пойтахтро фейерверкҳои солинавӣ дурахши идона хоҳанд дод”.