Обуҳавошиносон: Охири ҳафта борони шадид меборад
Маркази обуҳавосанҷии Тоҷикистон мегӯяд, охири ҳафтаи равон- 12 то 14 ноябр дар кишвар борони шадид меборад.
Ҷамила Байдуллоева, раиси маркази обуҳавосанҷии Тоҷикистон дар суҳбат ба “Озодагон” гуфт, рӯзҳои 10-11 ноябр танҳо дар бархе аз навоҳии кишвар борони кӯтоҳмуддат дар назар аст: “Аммо аз 12 то 14 ноябр дар ҷумҳурӣ ҳавои номусоид пешгӯӣ шуда, борони шадид меборад”.
Ба иттилои манбаъ рӯзҳои 12, 13 ва 14 ноябр дар навоҳии Тоҷикистон поинравии ҳарорати ҳаво низ дар назар аст.