VIDEO: Нигаронии Раҳмон аз авзои Афғонистон дар суҳбат бо Путин
Эмомалӣ Раҳмон, раисиҷумҳури Тоҷикистон дар дидор бо Владимир Путин, ҳамтои русаш аз авзои Афғонистони ҳамсоя нигаронӣ кард.
Оқои Раҳмон дар ин дидор гуфт, “ “вазъият дар Афғонистон рӯз то рӯз бадтар мешавад. Амалан дар ҳудуди 60 дарсади марзи Афғонистон бо Тоҷикистон амалиёти ҷангӣ идома дорад”. Владимир Путин низ изҳор дошт, вазъи минтақа мояи нигаронист.
Эмомалӣ Раҳмон рӯзи гузашта барои анҷоми сафари корӣ ба шаҳри Сочии Федератсияи Русия рафт.
Владимир Путин 7 октябр 63-сола шуд ва интизор меравад, шоми имрӯз мавлудашро ҳамроҳи сиёсатмадорон, варзишгарон ва соҳибкорон дар майдони хокейи Сочӣ таҷлил кунад. Акс аз бойгонӣ