Ду голи беҷавоби ироқиҳо ба дарвозаи мунтахаби ҷавонони Тоҷикистон
Дастаи мунтахаби ҷавонони Тоҷикист (U-16) дар бозии нахустинаш дар даври тахассусии мусобиқоти Осиё-2016 аз Ироқ шикаст хурд.
Тавре Федератсияи футболи кишвар хабар медиҳад, ин бозӣ дирӯз дар Душанбе баргузор шуда, 2:0 ба фоидаи меҳмонон хотима ёфт.
Ду голи яккачини Ироқро дар дақиқаҳои 3 ва 79-ум Ал Аббос Абдулнабӣ ва Ҷасим Муҳаммад ба ҳадаф расонидаанд. Дар бозии дигари гуруҳи “F” мунтахаби ҷавонони Баҳрайн тими Малдивро бо ҳисоби 4:0 шикаст дод.