Рақобати “Истиқлол” ва “Регар-ТадАЗ” барои дарёфти Ҷоми Тоҷикистон
Рақиби дастаи “Истиқлол”-и Душанбе дар даври финалии мусобиқоти Ҷоми Тоҷикистон муайян шуд.
Тавре Федератсияи футболи кишвар хабар медиҳад, дастаи “Регар-ТадАЗ”–и Турсунзода дар бозии охирини даври нимниҳоӣ, ки дирӯз баргузор шуд, бар тими ССКА “Помир” бо ҳисоби 3:0 ғолиб омада, ба даври ниҳоии мусобиқа роҳ ёфт.
Соли панҷум аст, ки “Истиқлол”-и Душанбе ва “Регар-ТадАЗ”–и Турсунзода дар финали мусобиқоти Ҷоми Тоҷикистон бо ҳам вориди рақобат мешаванд.
Даври финалии мусобиқа барои дарёфти Ҷоми Тоҷикистон 25 октябр дар Варзишгоҳи марказии шаҳр Кӯлоб баргузор мегардад.