Ҳалокати ронандаи 25-сола дар пайи резиши санг дар Айнӣ
Вазорати умури дохилии Тоҷикистон мегӯяд, дар пайи фаромадани сангпора дар ҳудуди ноҳияи Айнӣ як ронандаи 25-сола ҷони худро аз даст додааст.
Тибқи иттилои ин ниҳод, ин ҳодиса рӯзи 21 сентябр, тахминан соати 06:10 рух додааст. Ба иттилои манбаъ, дар ҳудуди деҳаи Петеи ноҳияи Айнӣ аз тарафи рости куҳ санг фаромада, ба автомашинаи тамғаи “Мерседес”, таҳти идораи марди 25-солаи истиқоматкунандаи шаҳри Истаравшан бархӯрдааст: “Дар натиҷа ронанда автомашинаро идора карда натавониста, ба дарёи “Фон” афтида, ғарқ шудааст”.