Заминларзаи 4,5 балла Тоҷикистонро такон дод
Кумитаи ҳолатҳои фавқулодаи Тоҷикистон мегӯяд, имрӯз, 22-юми июл соати 00:21 дақиқа заминларзаи 4-5 баллӣ кишварро такон дод.
Тавре Ориф Нозимов, сухангӯи ин Кумита ба “Озодагон” иттилоъ дод, маркази заминларза дар 97 километрии шимолу шарқи Душанбе, дар наздикии шаҳраки Дарбанди ноҳияи Нуробод қарор доштааст: “Иқтидори заминларза дар марказ 4-5 балро ташкил додаст”.
Нозимов таъкид намуд, ки дар пайи ин заминҷунбӣ талафоти моддию ҷонӣ ба қайд гирифта нашудааст.
Дар ҳамин ҳол марказҳои зилзилашиносии ҷаҳон низ соати 00:21 дар 97 километрии шимолу шарқи шаҳри Душанбе ҷунбиши заминро ба қайд гирифта, иқтидори онро 4.5 - 4,8 бал нишон доданд.