баргард
чоп кардан
АКС: Мулоқоти Эмомалӣ Раҳмон бо сарвазири Ҳиндустон
[b]Эмомалӣ Раҳмон, раисҷумҳури Тоҷикистон бо Нарендра Модӣ, сарвазири Ҳиндустон, ки дар доираи як сафари давлатӣ дар шаҳри Душанбе қарор дорад, мулоқот кардааст.
Ба иттилои дафтари матбуоти раёсатҷумҳури кишвар, вохурии Эмомалӣ Раҳмон бо Нарендра Модӣ субҳи 13 июл дар Қасри миллат баргузор шудааст.
Манбаъ мегӯяд, дар ин вохурӣ бо сурудҳои миллӣ тибқи муқаррароти ташрифотӣ садои 21 шиллик аз тӯпхонаҳо дар фазои шаҳри Душанбе танинандоз гардид, ки танҳо хоси сафарҳои давлатӣ аст: “Маросими бошукӯҳи истиқбол сипас бо гузаштани якҷояи Эмомалӣ Раҳмон ва Нарендра Моди аз назди ҷузъутомҳои Горди фахрӣ, арзи эҳтиром ба Парчами давлатии Тоҷикистон ва салому дуруди меҳмони олимақом ба афсарону сарбозон ва шиносоӣ бо ҳайатҳои расмии ду давлат идома ёфта, бо расми гузашти низомии Горди фахрӣ аз назди Президенти Ҷумҳурии Тоҷикистон ва меҳмони олимақом, Сарвазири Ҳиндустон ба поён расид”.
Сарвазири Ҳиндустон барои анҷоми як сафари давлатӣ шаби 12 ба 13 июл вориди шаҳри Душанбе шуда, ӯро дар фурудгоҳи пойтахт -- Қоҳир Расулзода, сарвазири Тоҷикистон пешвоз гирифтааст.
Нарендра Модӣ қарор аст, имрӯз 13 июл дар маросими пардабардорӣ аз нимпайкараи Робиндранат Такур, шоир ва муттафакири маъруфи Ҳиндустон иштирок кунад, ки дар кӯчаи Бухорои шаҳри Душанбе, наздики сафорати ин кишвар ва рӯ ба рӯйи Донишгоҳи славянии Русиву Тоҷикистон қомат афрохтааст.
Қаблан расонаҳои Ҳиндустон аз сафари Модӣ ба Душанбе хабар дода, гуфтанд, ӯ аснои ин сафар аз бемористони низомие дар Тоҷикистон дидан мекунад, ки 15 сол қабл бо кумаки ин кишвар барои табобати ҷангиёни Эътилофи Шимол бунёд шудааст.
Ин воҳиди пизишкии саҳроиест, ки дар ноҳияи Фархори Тоҷикистон бунёд ёфт ва Аҳмадшоҳ Масъуд пас аз шадидан захмӣ шудан дар як ҳамлаи интиҳории 9-уми сентябр онҷо оварда шуд. Манбаъ мегӯяд, ин бемористони саҳроӣ пас аз суқути “Толибон” дар соли 2001 баста шуд, вале моҳи октябри соли гузашта дубора дарҳояш боз гардид.
Ба иттилои дафтари матбуоти раёсатҷумҳури кишвар, вохурии Эмомалӣ Раҳмон бо Нарендра Модӣ субҳи 13 июл дар Қасри миллат баргузор шудааст.
Манбаъ мегӯяд, дар ин вохурӣ бо сурудҳои миллӣ тибқи муқаррароти ташрифотӣ садои 21 шиллик аз тӯпхонаҳо дар фазои шаҳри Душанбе танинандоз гардид, ки танҳо хоси сафарҳои давлатӣ аст: “Маросими бошукӯҳи истиқбол сипас бо гузаштани якҷояи Эмомалӣ Раҳмон ва Нарендра Моди аз назди ҷузъутомҳои Горди фахрӣ, арзи эҳтиром ба Парчами давлатии Тоҷикистон ва салому дуруди меҳмони олимақом ба афсарону сарбозон ва шиносоӣ бо ҳайатҳои расмии ду давлат идома ёфта, бо расми гузашти низомии Горди фахрӣ аз назди Президенти Ҷумҳурии Тоҷикистон ва меҳмони олимақом, Сарвазири Ҳиндустон ба поён расид”.
Сарвазири Ҳиндустон барои анҷоми як сафари давлатӣ шаби 12 ба 13 июл вориди шаҳри Душанбе шуда, ӯро дар фурудгоҳи пойтахт -- Қоҳир Расулзода, сарвазири Тоҷикистон пешвоз гирифтааст.
Нарендра Модӣ қарор аст, имрӯз 13 июл дар маросими пардабардорӣ аз нимпайкараи Робиндранат Такур, шоир ва муттафакири маъруфи Ҳиндустон иштирок кунад, ки дар кӯчаи Бухорои шаҳри Душанбе, наздики сафорати ин кишвар ва рӯ ба рӯйи Донишгоҳи славянии Русиву Тоҷикистон қомат афрохтааст.
Қаблан расонаҳои Ҳиндустон аз сафари Модӣ ба Душанбе хабар дода, гуфтанд, ӯ аснои ин сафар аз бемористони низомие дар Тоҷикистон дидан мекунад, ки 15 сол қабл бо кумаки ин кишвар барои табобати ҷангиёни Эътилофи Шимол бунёд шудааст.
Ин воҳиди пизишкии саҳроиест, ки дар ноҳияи Фархори Тоҷикистон бунёд ёфт ва Аҳмадшоҳ Масъуд пас аз шадидан захмӣ шудан дар як ҳамлаи интиҳории 9-уми сентябр онҷо оварда шуд. Манбаъ мегӯяд, ин бемористони саҳроӣ пас аз суқути “Толибон” дар соли 2001 баста шуд, вале моҳи октябри соли гузашта дубора дарҳояш боз гардид.