Се садамаи марговар дар 3 минтақаи Тоҷикистон 3 қурбонӣ дар пай дошт

Дар пайи се сониҳаи нақлиётӣ дар роҳҳои автомобилгарди ҷумҳурӣ 3 нафар ҷони худро аз даст дод.

---

Тавре аз дафтари матбуоти вазорати корҳои дохила ба хабаргузории «Озодагон» иттилоъ доданд, шоми дирӯз соати 21.50 ронандаи автомашинаи тамғаи «Мазда»таҳти идораи ронанда Далерҷон Шарифови 21 сола  истиқоматкунандаи маҳаллаи Зарафшон, ҳангоми ҳаракат бо шоҳроҳи Душанбе-Хуҷанд-Чанок дар километри 280-уми ҳудуди ҷамоати деҳоти Деҳмоӣ, аз ӯҳдаи идораи нақлиёт набаромада, ба дарахти канори роҳ бархӯрдааст. Дар натиҷа, худи ронанда Далерҷон Шарифов  ҷароҳати вазнини ҷисмонӣ бардошта, дар ҷойи ҳодиса ба ҳалокат мерасад.

Ба иттилои манбаъ, соати 16:45-и рӯзи гузашта ронандаи автомашинаи тамғаи «КАМАЗ» Ҳомидбек Ҳомидови 33- сола истиқоматкунандаи деҳаи «Табушн»-и ҷамоати «Палдорак»-и ноҳияи Мастчоҳ, аснои  ҳаракат дар ҷодаи маҳаллии Зафаробод-Хуҷанд, дар километри 28-уми ҳудуди шаҳраки Комсомол бехатарии ҳаракати роҳро таъмин накарда, дучархарони 5 сола Исмоилҷони Хушбахтро пахш намудааст. Дар натиҷа, Исмоилҷон ҷароҳати вазнини ҷисмонӣ бардошта, ҳангоми ба беморхонаи марказии ноҳияи Спитамен интиқол ёфтанаш дар роҳ ба шаҳодат расидааст.

Ҳамчунин, соати 20:30-и шоми дирӯз ронандаи атомашинаи тамғаи «Хундай-Старекс» Фирдавс  Собирови 23- сола истиқоматкунандаи кӯчаи Ғафуров, ронандаи ҶҶМ «Нақлиёт» дар нақлиёти шахсиаш, ҳангоми ҳаракат аз тарафи кӯчаи Раҳмон Набиев ба тарафи кӯчаи Шестопалов дар рӯ ба рӯи заводи «Тоҷик-ВТОРЧермет» дучархарони шахсияташ номаълум, тахминан 25-30 сола-ро пахш намудааст. Ҷабрдида аз ҷароҳати вазнини гирифтааш дар маҳалли ҳодиса ба ҳалокат расидааст.{jathumbnail off}