Се голи беҷавоби Испания ба дарвозаи футболбозони ҷавони тоҷик
Тими миллии ҷавонони зери 16-солаи Тоҷикистон дар аввалин рақобаташ дар 8-умин мусобиқоти байналмилалӣ барои дарёфти Ҷоми президенти Қазоқистон аз мунтахаби ҷавонони Испания шикаст хӯрд.
Футболбозони ҷавони тоҷик бо ҳисоби 0:3 аз ҳарифони худ мағлуб шуданд. Ин бозӣ имрӯз, 22 июн дар пойтахти Қазоқистон -- шаҳри Остона доир шуд.
Тими ҷавонони кишвар рӯзи 23 июн бо ҳамсолонашон аз Қирғизистон ва 25 июн бо мунтахаби ҷавонони Қазоқистон рақобат хоҳад кард.