Сабқати футболи Осиё: Рақибони тимҳои мунтахаби наврасон ва ҷавонони Тоҷикистон маълум шуданд
Рақибони тими мунтахаби наврасон ва ҷавонони Тоҷикистон оид ба футбол дар сабқати Осиё миёни наврасони зери 16 ва ҷавонони 19-сола муайян гардид.
Тавре Федератсияи футболи кишвар хабар медиҳад, дар пайи қуръакашӣ мунтахаби наврасони Тоҷикистон (U16) ҳамроҳ бо Қатар, Ироқ ва Туркманистон шомили гуруҳи “Е” шудааст. Бозии ин дастаҳо дар пойтахти Қатар, шаҳри Доҳа ва даври финалии мусобиқа дар Ҳиндустон баргузор мешавад.
Дар натиҷаи қуръакашӣ мунтахаби ҷавонони Тоҷикистон (U-19) дар марҳалаи интихобии мусобиқаи қаҳрамонии Осиё-2016 дар гуруҳи “F” қарор гирифта, бо дастаҳои Ироқ, Баҳрайн ва Молдова бозӣ мекунад.
Бозиҳои даври интихобии ин гуруҳ аз 2 то 6 октябр дар шаҳри Душанбе баргузор мешавад.