Рақобати футболбозони ҷавони тоҷик бо тимҳои Испания, Қазоқистон ва Қиғизистон
Тими миллии ҷавонони зери 16-солаи Тоҷикистон дар 8-умин мусобиқоти байналмиллалӣ барои дарёфти Ҷоми президенти Қазоқистон шомили гуруҳи “А” шуда, бо мунтахаби ҷавонони Испания, Қазоқистон ва Қиғизистон рақобат мекунад.
Тавре Федератсияи футболи кишвар хабар медиҳад, мусобиқаи мазкур аз 22 то 26 июн дар пойтахти Қазоқистон -- шаҳри Остона баргузор мешвад. Дар гуруҳи “Б” дастаҳои Русия, Белорусия, Озарбойҷон ва Гурҷистон байни ҳам рақобат хоҳанд кард.
Мукофоти умумии мусобиқа 20 000 доллар буда, 10 000-и он ба ғолиб дода мешавад. Барои ҷои дуюм 6000 ва барои зинаи сеюм 4000 доллар тақдим мегардад.