Ҳалокати ноболиғи 7-сола зери чархи “ВАЗ-2106”-и ронандаи маст
Вазорати умури дохилии Тоҷикистон аз як садамаи маргбор бо ширкати ронандаи сархуш хабар медиҳад.
Бино ба иттилои торнамои ин ниҳод, рӯзи чоршанбеи 20 май тахминан соати 18:10, марди 28-солаи сокини ноҳияи Рӯдакӣ дар ҳолати мастӣ идораи сабукрави “ВАЗ-2106”-ро аз даст дода, писарчаи 7-солаеро зер кардааст.
Манбаъ мегӯяд, ин ҳодиса дар рӯбарӯи нуқтаи фурӯши сӯзишвории “Чорёрон”-и деҳаи Заргари шаҳри Ваҳдат ба вуқӯъ пайвастааст. Ноболиғ аз ҷароҳати вазнини ҷисмонӣ дар беморхона ба ҳалокат мерасад.