Даргузашти мураббии шоистаи Тоҷикистон дар Украина
Аҳмад Алиаскаров (Алискеров), собиқ мураббии дастаи “Помир”-и Душанбе ва мураббии хидматнишондодаи Тоҷикистон 19-уми май бар асари бемории тӯлонӣ дар синни 80 солагияш дар шаҳри Одессаи Украина аз олам даргузаштааст.
Маросими видоъ бо Алиаскаров, зодаи Озарбойҷон, ки соли 1972 сармураббии дастаи “Помир”-и Душанбе будааст, 21-уми май дар шаҳри Одесса дар назар аст.
Алиаскаров унвони мураббии шоистаи Тоҷикистон, Озарбойҷон, Украина, Молдова ва дигар кишварҳои собиқ Иттиҳоди Шӯравиро соҳиб будааст. Ӯ бештар бо фаъолияташ ба ҳайси мураббӣ дар дастаҳои “Нефтчӣ”-и Боку ва “Черноморетс”-и Одесса, “Ораз”-и Нахичиван, “Нистру”-и Кишинёв ва “Шариф”-и Тираспол машҳур аст.