Як голи Баллестер “Истиқлол”-ро соҳиби 3 холи дигар кард
Дастаи "Истиқлол"-и Душанбе дар бозии даври 6-уми сабқати лигаи олии футболи Тоҷикистон тими “Далерон- Уротеппаи”-и Истаравшанро бо ҳисоби 1:0 шикаст дод.
Тавре Федератсияи футболи кишвар хабар медиҳад, бозии мазкур шоми дирӯз, 18 май дар Варзишгоҳи марказии шаҳри Истаравшан баргузор шуда, голи ягонаро дар дақиқаи чаҳоруми бозӣ легионери испании дастаи “Истиқлол” -- Хосе Баллестер вориди дарвозаи мизбонон кардааст.
Ҳамин тариқ, дастаи "Истиқлол", ки пайиҳам шаш ғалаба ба даст овард, бо 18 имтиёз дар садри ҷадвали мусобиқаи лигаи олии футболи Тоҷикистон қарор дорад. Мақоми дуюмро бо 13 хол “Хайр”-и Ваҳдат ва ҷои сеюмро бо 12 имтиёз “Регар-ТадАЗ”-и Турсунзода ишғол кардаанд.