баргард
чоп кардан
АКС: Лаҳзаи хомӯшӣ, гулгузорӣ ва гузашти ҳарбӣ бо ҳузури Президент
Эмомалӣ Раҳмон, раисиҷумҳури Тоҷикистон, имрӯз, 8 май дар боғи Ғалабаи пойтахт ба муносибати солгарди 70-уми Ғалабаи бузург бар фашизми гитлерӣ дар маросими гулгузорӣ дар назди гулхани ёдгорӣ иштирок намуд.
Тибқи иттилои дафтари матбуоти раисиҷумҳури Тоҷикистон, дар боғи Ғалаба ба Эмомалӣ Раҳмон вазири мудофиаи кишвар Шералӣ Мирзо аз омодагии ҷузъу томҳои гарнизони ҳарбии Душанбе ба маросими гулгузорӣ ва расми гузашти низомӣ гузориш дод: “Нахуст президенти Тоҷикистон, бо гузоштани гулчанбар хотираи қаҳрамонону иштирокдорони он ҷанги пурдаҳшатро пос дошт. Сипас гулчанбарҳо аз номи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, Ҳукумати Ҷумҳурии Тоҷикистон, мақомоти иҷроияи маҳаллии ҳокимияти давлатии шаҳри Душанбе, собиқадорони ҷангу меҳнат, сохторҳои қудратии Тоҷикистон, корпуси дипломатии муқими Ҷумҳурии Тоҷикистон, Сафорат ва Пойгоҳи низомии 201-уми Федератсияи Русия дар Тоҷикистон ва ҳамчунин аз номи ҷавонони Ҷумҳурии Тоҷикистон гузошта шуд”.
Дафтари матбуоти раисиҷумҳур илова намуд, ки хотираи неки қурбониёни Ҷанги дуюми ҷаҳонӣ ҳамчунин бо дақиқаи хомӯшӣ пос дошта шуд.
Ба иттилои манбаъ, Эмомалӣ Раҳмон зимни суханронӣ Ҷанги дуюми ҷаҳониро аз ҷумлаи “фоҷиабортарин ҷангҳо” дар таърихи инсоният номида, ҳамаи собиқадорони ҷангу меҳнат ва тамоми мардуми сулҳхоҳу ваҳдатсози кишвари маҳбубамонро, ки дар набардҳои шадиди ин ҷанг мардонавор истодагарӣ карда, барои таъмин намудани пирӯзӣ бар фашизм саҳми арзишманд гузоштаанд, самимона табрик гуфт ва ба ҳар хонадони тоҷик фазои орому осуда, хонаи обод ва тандурустиву хушбахтӣ таманно кард: “Тавре зикр гардид, беш аз 300 ҳазор фиристодаи Тоҷикистон дар набардҳои шадиди ин ҷанги пурдаҳшат шуҷоату мардонагӣ нишон дода, 92 ҳазор нафари онҳо ба хотири адо кардани қарзи фарзандии хеш ҷон супурдаанд”.
Раисиҷумҳур афзудаст, шуҷоату диловарии фарзандони баору номуси мо дар солҳои Ҷанги дуюми ҷаҳонӣ намунаи олии ватандӯстӣ ва сабақи беҳтарини мардонагиву ватандорӣ барои наслҳои имрӯзу оянда мебошад: “Бахусус дар шароити ноором ва бисёр мураккаби кунунӣ, ки таҳдиду хатарҳои ҷаҳонӣ аз қабили терроризму ифротгароӣ ва миллатгароиву нажодпарастӣ рӯз то рӯз вусъат пайдо мекунад”.
Манбаъ мегӯяд, маросими гиромидошти хотираи қурбониёни ҷанг бо гузашти низомии ҷузъутомҳои гарнизони ҳарбии Душанбе идома ёфт: “Дар гузашти низомӣ афсарону сарбозони ҳамаи воҳидҳои низомии кишвар, аз ҷумла Вазорати мудофиа, Вазорати корҳои дохилӣ, Қӯшунҳои сарҳадии Кумитаи давлатии амнияти миллӣ, Гвардияи миллии Тоҷикистон, Сарраёсати иҷрои ҷазои ҷиноятии Вазорати адлия, Кумитаи ҳолатҳои фавқулодда ва мудофиаи гражданӣ ва як воҳиди низомӣ аз Пойгоҳи ҳарбии 201-уми Федератсияи Русия дар Тоҷикистон ширкат намуданд”.
Тибқи иттилои дафтари матбуоти раисиҷумҳури Тоҷикистон, дар боғи Ғалаба ба Эмомалӣ Раҳмон вазири мудофиаи кишвар Шералӣ Мирзо аз омодагии ҷузъу томҳои гарнизони ҳарбии Душанбе ба маросими гулгузорӣ ва расми гузашти низомӣ гузориш дод: “Нахуст президенти Тоҷикистон, бо гузоштани гулчанбар хотираи қаҳрамонону иштирокдорони он ҷанги пурдаҳшатро пос дошт. Сипас гулчанбарҳо аз номи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, Ҳукумати Ҷумҳурии Тоҷикистон, мақомоти иҷроияи маҳаллии ҳокимияти давлатии шаҳри Душанбе, собиқадорони ҷангу меҳнат, сохторҳои қудратии Тоҷикистон, корпуси дипломатии муқими Ҷумҳурии Тоҷикистон, Сафорат ва Пойгоҳи низомии 201-уми Федератсияи Русия дар Тоҷикистон ва ҳамчунин аз номи ҷавонони Ҷумҳурии Тоҷикистон гузошта шуд”.
Дафтари матбуоти раисиҷумҳур илова намуд, ки хотираи неки қурбониёни Ҷанги дуюми ҷаҳонӣ ҳамчунин бо дақиқаи хомӯшӣ пос дошта шуд.
Ба иттилои манбаъ, Эмомалӣ Раҳмон зимни суханронӣ Ҷанги дуюми ҷаҳониро аз ҷумлаи “фоҷиабортарин ҷангҳо” дар таърихи инсоният номида, ҳамаи собиқадорони ҷангу меҳнат ва тамоми мардуми сулҳхоҳу ваҳдатсози кишвари маҳбубамонро, ки дар набардҳои шадиди ин ҷанг мардонавор истодагарӣ карда, барои таъмин намудани пирӯзӣ бар фашизм саҳми арзишманд гузоштаанд, самимона табрик гуфт ва ба ҳар хонадони тоҷик фазои орому осуда, хонаи обод ва тандурустиву хушбахтӣ таманно кард: “Тавре зикр гардид, беш аз 300 ҳазор фиристодаи Тоҷикистон дар набардҳои шадиди ин ҷанги пурдаҳшат шуҷоату мардонагӣ нишон дода, 92 ҳазор нафари онҳо ба хотири адо кардани қарзи фарзандии хеш ҷон супурдаанд”.
Раисиҷумҳур афзудаст, шуҷоату диловарии фарзандони баору номуси мо дар солҳои Ҷанги дуюми ҷаҳонӣ намунаи олии ватандӯстӣ ва сабақи беҳтарини мардонагиву ватандорӣ барои наслҳои имрӯзу оянда мебошад: “Бахусус дар шароити ноором ва бисёр мураккаби кунунӣ, ки таҳдиду хатарҳои ҷаҳонӣ аз қабили терроризму ифротгароӣ ва миллатгароиву нажодпарастӣ рӯз то рӯз вусъат пайдо мекунад”.
Манбаъ мегӯяд, маросими гиромидошти хотираи қурбониёни ҷанг бо гузашти низомии ҷузъутомҳои гарнизони ҳарбии Душанбе идома ёфт: “Дар гузашти низомӣ афсарону сарбозони ҳамаи воҳидҳои низомии кишвар, аз ҷумла Вазорати мудофиа, Вазорати корҳои дохилӣ, Қӯшунҳои сарҳадии Кумитаи давлатии амнияти миллӣ, Гвардияи миллии Тоҷикистон, Сарраёсати иҷрои ҷазои ҷиноятии Вазорати адлия, Кумитаи ҳолатҳои фавқулодда ва мудофиаи гражданӣ ва як воҳиди низомӣ аз Пойгоҳи ҳарбии 201-уми Федератсияи Русия дар Тоҷикистон ширкат намуданд”.
