Чор голи Манучеҳр Ҷалилов ва пирӯзии "Истиқлол" бар ССКА "Помир"
Душанбеи 4 май бозии ниҳойии даври чоруми чемпионати Тоҷикистон оид ба футбол миёни дастаҳои лигаи олӣ баргузор шуд.
Дар ин дидор “Истиқлол” бо ҳисоби 5:1 ССКА “Помир”-ро шикаст дод. Муаллифи чор голи “Истиқлол” ҳамлагари тими миллии Тоҷикистон Манучеҳр Ҷалилов буд. Як голи дигари “Истиқлол”-ро Дилшод Восиев ба самар расонд. Муаллифи голи ягонаи ССКА “Помир” Давронҷон Тухтасунов буд.
Дар даври панҷуми сабқат рӯзи ҷумъаи 8 май “Истиқлол” бо “Равшан”-и Кӯлоб қувваозмоӣ мекунад. Рӯзи 9 май “Хайр” бо “Барқи тоҷик”, “Вахш” бо “Регар-ТадАЗ” ва “Хуҷанд” бо “Далерон-Уротеппа” вориди рақобат мешаванд. Якшанбеи 10 май бозии “Парвоз” бо ССКА “Помир” дар назар аст.