Иштибоҳи капитани “Хуҷанд” ва пирӯзии “Истиқлол”
Дастаи “Истиқлол”-и Душанбе дар нахустин бозии 24-умин мусобиқаи қаҳрамонии Тоҷикистон “Хуҷанд”-и Хуҷандро бо ҳисоби 2:0 шикаст дод.
Ин дидор шоми дирӯз, 9 апрел баргузор шуд ва голи нахустинро Нуриддин Давронов дар дақиқаи 69 ба самар расонд. Голи дуюмро капитани "Хуҷанд" -- Соҳиб Ҳакимов дар дақиқаи иловагии бозӣ бо сараш вориди дарвозаи худ намуд.
Ҳайати бозигарон чунин буд:
"Истиқлол" (Душанбе): Никола Стошич, Сиёвуш Асроров, Петро Ковалчук (Меҳдӣ Чоҳҷӯӣ), Аҳтам Назаров, Эраҷ Раҷабов (Дилшод Восиев), Нуриддин Давронов, Хосе Баллестер, Зиёвуддин Фузайлов, Фатҳулло Фатҳуллоев (Хуршед Маҳмудов), Бледа Родригес, Манучеҳр Ҷалилов.
"Хуҷанд" (Хуҷанд): Валерий Кошуба, Сафаралӣ Каримов, Соҳиб Ҳакимов, Комрони Мирзохон, Манучеҳр Аҳмадов, Бахтиёр Чориев, Иброҳим Рабимов, Ҷаҳонгир Алиев, Ҳасан Рустамов ( Вайсиддин Сафаров), Аҳтам Ҳамроқулов (Дилшод Бозоров), Фарҳод Тоҳиров (Фирӯз Бобиев).
Чемпионати 24-уми Тоҷикистон оид ба футбол байни дастаҳои лигаи олӣ дар мавсими 2015 бо иштироки 9 даста то 22 ноябр идома меёбад.