Ҳероин дар борхалтаи донишҷӯ

Аз донишҷӯи донишгоҳи политехники Тоҷикистон маводи сахттаъсири ҳероин дарёфт ва мусодира карда шуд.

Тавре ба хабаргузории «Озодагон»  аз дафтари матбуотии ВКД иттилоъ доданд, ҳангоми гузаронидани чораҳои фаврӣ- ҷустуҷӯӣ  дар ноҳияи Синои шаҳри Душанбе, наздикии тарабхонаи «Лесная Сказка», шаҳрвандон Фирдавс Камолов 22 сола (истиқоматкунандаи  маҳаллаи Меҳробод, хонаи 190), донишҷуӣ бахши  4-уми донишгоҳи политехникӣ ва Фазлиддин Расулов 23 сола, (истиқоматкунадаи  кӯчаи  Қабодиён, хонаи 22/1,) бекор, мавриди тафтиш қарор гирифтанд. Зимни кофтукоби шахсӣ аз борхалтаи Фирдавс Камолов маводи сахттаъсири ҳероин, ки  вазнаш 1 кг 68 грамм дарёфт ва мусодира карда шуд. Оиди ин далел парвандаи ҷиноӣ боз гардида, тафтишот идома дорад.