“Аълочии милитсия” ба сержанте, ки духтари 28-соларо аз марг наҷот дод
Сержанти милиса – Парвизҷон Ёқубов, корманди Хадамоти таъминотии милисаи Шӯъбаи умури дохилии шаҳри Хуҷанд, ки як духтари 28-соларо аз ғарқшавӣ наҷот дод, бо фармони вазири корҳои дохилӣ бо нишони сарисинагии “Аълочии милитсия” сарфароз гардидааст.
Тавре аз Вазорати умури дохилӣ хабар доданд, ин нишон ба Парвизҷон “барои содиқона ва софдилона иҷро намудани вазифаҳои хизматӣ, дарки баланди масъулият ва нишон додани ҷавонмардӣ, ҳамзамон наҷот додани шахси ғарқшуда” тақдим гардидааст.
Парвизҷон Ёқубов рӯзи 25 март Мавзуна Зокирова, соли таваллудаш 1987, сокини ноҳияи Бобоҷон Ғафуровро, ки бо қасди худкушӣ худро аз болои пули дарёи “Сир” ба зер афканд, аз ғарқшавӣ наҷот дод.