Конфронс ва намоишнома ба шарафи зодрӯзи Садриддин Айнӣ
Театри давлатии ҷавонон ба номи Маҳмудҷон Воҳидов ва Донишгоҳи давлатии омӯзгории Тоҷикистон ба номи Садриддин Айнӣ ба шарафи зодрӯзи Садриддин Айнӣ, асосгузори адабиёти муосири тоҷик ва Қаҳрамони Тоҷикистон рӯзҳои 27, 30-юм ва 3-4-уми апрели соли равон драмаи “Гирдоб”-и Нур Табаровро дар коргардонии Шавкат Халилов ва Нозим Меликов ба намоиш мегузорад.
Ин ду ниҳод ҳамчунин қарор додаанд, ки пас аз анҷоми намоиши драма дар нимаи аввали моҳи апрел Конфронси илмию назариеро бо номи «Симои Устод Садриддин Айнӣ дар саҳнаи тоҷик» баргузор кунанд.