Футболбозони навраси тоҷик дар финали сабқати байналмилалии Ҷопон
Мунтахаби футболи наврасони Тоҷикистон (U-16) ба даври финалии мусобиқаи байналмилалии Sport for Tomorrow Japan-Central Asia U-15 Football Exchange Programme роҳ ёфт.
Тавре Федератсияи футболи кишвар хабар медиҳад, мунтахаби футболи наврасони Тоҷикистон дар бозии охири даври гуруҳӣ тими наврасони Туркманистонро бо ҳисоби 3:0 мағлуб карда, ба даври финалии мусобиқа роҳхат гирифт. Далер Ёдгоров, Шервони Мабатшоев ва Зиёвуддин Фузайлов муаллифи голҳои Тоҷикистонанд.
Футболбозони навраси тоҷик бо касби 9 имтиёз дар сархати ҷадвали мусобиқоти Sport for Tomorrow Japan-Central Asia U-15 Football Exchange Programme дар гуруҳи “А” қарор гирифтанд. Рақибони тими Тоҷикистон дар даври ниҳоӣ баъд аз бозии охирини гуруҳи “Б” муайян хоҳад шуд.