ВИДЕОИ озмоиш: Садақа ва миллатгароии сокинони Петербург
Ду ҷавон-рус ва дӯсти қафқозияш зимни як озмоиши иҷтимоӣ дар шаҳри Санкт Петербург исбот кардаанд, ки сокинони ин шаҳр ҳангоми додани садақа миллатгароӣ карда, кӯмакро бо назардошти нажоду пӯсти шахси ниёзманд ироа мекунанд. Аввал ҷавон бо симои қафқозӣ аз роҳгузарон талаб мекунад, ки барои харидани чиптаи бозгашт ба Ватан барояш маблағе кӯмак кунанд. Ин нафар тайи 2 соат 438 рубл кӯмак мегирад. Вақте бо чунин дархост ба роҳгузарон ҷавони рус муроҷиат намуд, давоми 1.5 соат 4 ҳазор рубли русиро дарёфт кард. ВИДЕОИ озмоиши иҷтимоӣ, ки дар интернет баҳси шадидеро барангехтааст: