Нашри “Твоя модная улыбка”-и Бахтиёр Аминӣ дар Украина
“Твоя модная улыбка”. Унвони асари нави Бахтиёр Аминӣ, шоири ҷавон ва навгӯи тоҷик аст, ки ба забони русӣ ва дар шаҳри Одессаи Украина ба нашр расид.
Ин китоб бо сарсухани Темур Зулфиқоров, шоир ва нависандаи маъруфи русзабони тоҷик ва бо ороиши Ирина Дмитриева-Ванн мунташир шудааст. Бахтиёр Аминӣ аз шоирони ҷавони тоҷик аст, ки бо сабки ҳойку (сурудаҳои кутоҳ дар ҳаҷми 3 мисраъ) шеър эҷод мекунад ва дар ин равиши эҷоди шеър пешқадам аст.
Қабл аз нашри ин китоб ду асари дигар ӯ бо номҳои “Никоҳи нигоҳ” ва “Ба дунболи чашмҳо” нашр шудааст.