баргард
чоп кардан
Шуҳрат Қудратов ба 9 соли зиндон маҳкум шуд (АКС+ВИДЕО)
Додгоҳи Душанбе имрӯз, 13-уми январ Шуҳрат Қудратов, ҳуқуқшиноси муттаҳам дар қаллобию фасодкориро ба 9 соли зиндон маҳкум кард.
Тоҳирбек Мусобекзода, раисикунандаи мурофиа зимни эълони ҳукм изҳор дошт, ки бо назардошти қонуни афв аз се як ҳиссаи муҳлати ҷазои Қудратов кам шуд ва аз рӯи ҳар ду парвандаи ҷиноӣ дар маҷмуъ ба 9 соли зиндон маҳкум гардид. Инчунин тибқи қарори додгоҳ баъди адои ҷазо Қудратов ду сол ҳаққи фаъолияти адвокатиро нахоҳад дошт. Раисикунандаи мурофиа изҳор дошт, ин ҳукм бо назардошти ҳолатҳои сабуккунанда, аз ҷумла бори аввал даст ба ҷиноят задани маҳкумшуда ва фарзандони ноболиғаш содир шудааст.
Ин дар ҳолест, ки Шуҳрат Қудратов рӯзи 12 январ зимни ироаи сухани ниҳоияш дар Додгоҳи Душанбе хост, тафтишоти судии парвандааш аз сар гирифта шавад, чун ҷузъиёти он дар рафти мурофиа пурра омӯхта нашудаанд. Қудратов иттиҳоми порадиҳиро алайҳи худ беасос хонда, изҳор дошт, боре ҳам аз пора суҳбат накардааст. Ӯ аз додрас хост 6 сабти суҳбатҳояшро, ки дар парванда ҷой доранд, омӯхта бинад, ки дар ягон ҷо ӯ дар бораи пул суҳбат накардааст ва мафҳуми пораро низ кор набурдааст: “Инчунин омӯхта шавад, ки дар сабтҳо суханҳои маро бурида мантаж кардаанд. Ба он низ таваҷҷуҳ шавад, ки сабти суҳбатҳои ман ғайриқонунӣ сурат гирифтааст, чун санади судӣ барои ин кор вуҷуд надорад.”
Ба гуфтаи Қудратов, худи Шерзод Низамов, додраси ноҳияи Исмоили Сомонӣ низ иқрор кардааст, ки ба ӯ пора пешниҳод накард, танҳо изҳор доштаам, хизмат мекунам: “Дар баёноти Низамов низ мухолифат дида мешавад. Дар як ҷо гуфтааст, ки намедонад, зери мафҳуми хизмат ман чиро дар назар доштам, дар як ҷои дигар ба ин суол посух додааст, ки пайхас бурдааст, ки ба ӯ пул доданӣ будаам.”
Ӯ инчунин аз айбдоркунандаи давлатӣ эърод гирифтааст, ки нишондодҳои раиси ширкати “Пайванд”-ро ба назар нагирифтааст, ки баёноти Қудратовро тасдиқ мекунанд. Аз он изҳори норозигӣ кард, ки мусодираи молу амволаш талаб карда шудааст: “Ақаллан исбот кунанд, ки телефони ман, ки ба сифати далели шайъӣ гирифта шудааст ва ё мошинам, ки дар ҳабс қарор дорад, бо роҳи ҷиноӣ ба даст омадаанд.”
Қудратов аз додгоҳ хост, парванда алайҳи ӯро аз рӯи моддаи порадиҳӣ қатъ кунад, чун дар аъмолаш таркиби ҷиноят дида намешавад.
Дар мавриди даъвои Турабек Охунов, ки Қудратовро барои аз худ кардани 7 ҳазор доллари амрикоӣ муттаҳам мекард, айбдоршаванда илова намуд, гарчанде аз Охунов маошашро гирифтааст, хешутабораш то ҳол маблағи мавриди даъвои Охуновро пардохт кардаанд. Ӯ аз додрас хост, ба ин масъала низ баҳои ҳуқуқӣ дода шавад.
Қаблан айбдоркунандаи давлатӣ аз додрас хост, Қудратовро ба 11 соли зиндони низомаш сахт маҳкум созад ва бо назардошти қонуни афв аз се як ҳиссаи ин муҳлатро кам кунад. Аммо Раҳматилло Зоиров, вакили дифои Шуҳрат Қудратов дар Додгоҳи Душанбе ҳар ду парвандаи ҷиноиро алайҳи зерҳимояаш сохта ва фармоишӣ хонда, аз додрас озодияшро талаб кард.
Қудратов аз рӯи моддаи 320 дар он айбдор мешавад, ки барои сафед кардани зерҳимояаш - Амиралӣ Суламаев аз ӯ гӯиё 2 ҳазор доллар талаб карда, гуфтааст, ин маблағро ба судя медиҳад. Амиралӣ Суламаев як ҳамҷавобгар будааст, ки ҳамроҳ бо Парвиз Бадалов дар расондани зарари молӣ ба ширкати “Пайванд” айбдор мешудаанд. Аммо Қудратов иддао дорад, ин маблағҳо барои пардохти ҷуброн ба ҷабрдида - раиси ширкати “Пайванд” пешбинӣ шуда буданд.
Инчунин Қудратов аз рӯи моддаи 247-и Кодекси ҷиноӣ дар қаллобӣ муттаҳам мешавад. Турабек Охунов қаблан иддао дошт, Қудратов зимни ҳимояи ҳуқуқҳои бародараш - собиқ раиси ширкати "Мовароуннаҳр" - Ҷурабек Охунов, 7 ҳазор доллари амрикоияшонро гирифта, то ҳол барнагардондааст. Тибқи баромади айбдоркунандаи давлатӣ Турабек Охунов бо Қудратов дар барои ҳимояи ҳуқуқи бародари боздоштшудааш, Ҷурабек Охунов созиш карда, ҳаққи ҳармоҳаи вакили дифоъро 500 доллари амрикоӣ муайян намудаанд: “Аммо моҳи сентябри соли 2012 Қудратов аз Охуновҳо боз 10 ҳазор доллари амрикоӣ талаб кардааст. Ба ӯ 8 ҳазор доллар додаанд, ки баъдан ҳазор доллари онро баргардонда, 7 ҳазор доллари дигарро ба манфиати худ истифода кардааст.”
Дар мурофиаи рӯзи 24 декабр Турабек Охунов зимни шоҳидияш дар додгоҳ баён дошт, ки аз даъвояш алайҳи Қудратов даст кашид ва маблағҳоро низ бахшидааст. Охунов дар шарҳи ин тасмимаш ба “Озодагон” гуфт, “ман ҳоли Қудратовро дида ва фикри зану фарзандонашро карда, аз даъвоям даст кашидам.”
Тоҳирбек Мусобекзода, раисикунандаи мурофиа зимни эълони ҳукм изҳор дошт, ки бо назардошти қонуни афв аз се як ҳиссаи муҳлати ҷазои Қудратов кам шуд ва аз рӯи ҳар ду парвандаи ҷиноӣ дар маҷмуъ ба 9 соли зиндон маҳкум гардид. Инчунин тибқи қарори додгоҳ баъди адои ҷазо Қудратов ду сол ҳаққи фаъолияти адвокатиро нахоҳад дошт. Раисикунандаи мурофиа изҳор дошт, ин ҳукм бо назардошти ҳолатҳои сабуккунанда, аз ҷумла бори аввал даст ба ҷиноят задани маҳкумшуда ва фарзандони ноболиғаш содир шудааст.
Ин дар ҳолест, ки Шуҳрат Қудратов рӯзи 12 январ зимни ироаи сухани ниҳоияш дар Додгоҳи Душанбе хост, тафтишоти судии парвандааш аз сар гирифта шавад, чун ҷузъиёти он дар рафти мурофиа пурра омӯхта нашудаанд. Қудратов иттиҳоми порадиҳиро алайҳи худ беасос хонда, изҳор дошт, боре ҳам аз пора суҳбат накардааст. Ӯ аз додрас хост 6 сабти суҳбатҳояшро, ки дар парванда ҷой доранд, омӯхта бинад, ки дар ягон ҷо ӯ дар бораи пул суҳбат накардааст ва мафҳуми пораро низ кор набурдааст: “Инчунин омӯхта шавад, ки дар сабтҳо суханҳои маро бурида мантаж кардаанд. Ба он низ таваҷҷуҳ шавад, ки сабти суҳбатҳои ман ғайриқонунӣ сурат гирифтааст, чун санади судӣ барои ин кор вуҷуд надорад.”
Ба гуфтаи Қудратов, худи Шерзод Низамов, додраси ноҳияи Исмоили Сомонӣ низ иқрор кардааст, ки ба ӯ пора пешниҳод накард, танҳо изҳор доштаам, хизмат мекунам: “Дар баёноти Низамов низ мухолифат дида мешавад. Дар як ҷо гуфтааст, ки намедонад, зери мафҳуми хизмат ман чиро дар назар доштам, дар як ҷои дигар ба ин суол посух додааст, ки пайхас бурдааст, ки ба ӯ пул доданӣ будаам.”
Ӯ инчунин аз айбдоркунандаи давлатӣ эърод гирифтааст, ки нишондодҳои раиси ширкати “Пайванд”-ро ба назар нагирифтааст, ки баёноти Қудратовро тасдиқ мекунанд. Аз он изҳори норозигӣ кард, ки мусодираи молу амволаш талаб карда шудааст: “Ақаллан исбот кунанд, ки телефони ман, ки ба сифати далели шайъӣ гирифта шудааст ва ё мошинам, ки дар ҳабс қарор дорад, бо роҳи ҷиноӣ ба даст омадаанд.”
Қудратов аз додгоҳ хост, парванда алайҳи ӯро аз рӯи моддаи порадиҳӣ қатъ кунад, чун дар аъмолаш таркиби ҷиноят дида намешавад.
Дар мавриди даъвои Турабек Охунов, ки Қудратовро барои аз худ кардани 7 ҳазор доллари амрикоӣ муттаҳам мекард, айбдоршаванда илова намуд, гарчанде аз Охунов маошашро гирифтааст, хешутабораш то ҳол маблағи мавриди даъвои Охуновро пардохт кардаанд. Ӯ аз додрас хост, ба ин масъала низ баҳои ҳуқуқӣ дода шавад.
Қаблан айбдоркунандаи давлатӣ аз додрас хост, Қудратовро ба 11 соли зиндони низомаш сахт маҳкум созад ва бо назардошти қонуни афв аз се як ҳиссаи ин муҳлатро кам кунад. Аммо Раҳматилло Зоиров, вакили дифои Шуҳрат Қудратов дар Додгоҳи Душанбе ҳар ду парвандаи ҷиноиро алайҳи зерҳимояаш сохта ва фармоишӣ хонда, аз додрас озодияшро талаб кард.
Қудратов аз рӯи моддаи 320 дар он айбдор мешавад, ки барои сафед кардани зерҳимояаш - Амиралӣ Суламаев аз ӯ гӯиё 2 ҳазор доллар талаб карда, гуфтааст, ин маблағро ба судя медиҳад. Амиралӣ Суламаев як ҳамҷавобгар будааст, ки ҳамроҳ бо Парвиз Бадалов дар расондани зарари молӣ ба ширкати “Пайванд” айбдор мешудаанд. Аммо Қудратов иддао дорад, ин маблағҳо барои пардохти ҷуброн ба ҷабрдида - раиси ширкати “Пайванд” пешбинӣ шуда буданд.
Инчунин Қудратов аз рӯи моддаи 247-и Кодекси ҷиноӣ дар қаллобӣ муттаҳам мешавад. Турабек Охунов қаблан иддао дошт, Қудратов зимни ҳимояи ҳуқуқҳои бародараш - собиқ раиси ширкати "Мовароуннаҳр" - Ҷурабек Охунов, 7 ҳазор доллари амрикоияшонро гирифта, то ҳол барнагардондааст. Тибқи баромади айбдоркунандаи давлатӣ Турабек Охунов бо Қудратов дар барои ҳимояи ҳуқуқи бародари боздоштшудааш, Ҷурабек Охунов созиш карда, ҳаққи ҳармоҳаи вакили дифоъро 500 доллари амрикоӣ муайян намудаанд: “Аммо моҳи сентябри соли 2012 Қудратов аз Охуновҳо боз 10 ҳазор доллари амрикоӣ талаб кардааст. Ба ӯ 8 ҳазор доллар додаанд, ки баъдан ҳазор доллари онро баргардонда, 7 ҳазор доллари дигарро ба манфиати худ истифода кардааст.”
Дар мурофиаи рӯзи 24 декабр Турабек Охунов зимни шоҳидияш дар додгоҳ баён дошт, ки аз даъвояш алайҳи Қудратов даст кашид ва маблағҳоро низ бахшидааст. Охунов дар шарҳи ин тасмимаш ба “Озодагон” гуфт, “ман ҳоли Қудратовро дида ва фикри зану фарзандонашро карда, аз даъвоям даст кашидам.”
