Хоҳару бародар дар Душанбе зери чарх мондаанд
Шоми 23-юми декабр дар кӯчаи Айнии шаҳри Душанбе бо иштироки мактабхонҳо садамаи маргбор рух додааст.
Тавре аз Вазорати умури дохилӣ ба “Озодагон” иттилоъ доданд, Шарифов Дилшод, ронандаи 46-солаи “ВАЗ-21012” ҳангоми ҳаракат ба кӯчаи Айнӣ аз тарафи кӯчаи Ховарони пойтахт, аз ӯҳдаи идораи автомашина набаромада, пиёдагардони ноболиғ Шораҳматов Умеди 11-сола, хонандаи синфи 4-ум ва Шораҳматова Шукронаи 7-сола, сокинони кӯчаи Айниро пахш намудааст.
Ба иттилои манбаъ дар натиҷа ҳангоми интиқол ба беморхона Шораҳматов Умедҷон аз ҷароҳатҳои бардоштааш ба ҳалокат расидааст.